多謝，以及下輩子別當狗喔！沒那麼幸運的‧‧‧‧‧‧
朋友，十六年來真的非常感謝。希望你真係開開心心咁去，唔好再掛住我地。回想你由第一次入門口縮埋一舊仲以為你係跛既，畀單車碌過都死唔去，直至第一次講大話等等…都好似好快咁過去。話咁快就講再見，唔好掛住我地一家就得啦。
十六年來陪住我成長真係非常多謝，由細開始你已經陪住我，令我既童年唔再孤獨。多謝你睇住我細個犯錯，仲有就算點唔開心你都黎安慰我。除咗多謝，就只可以講句…我愛你。
不過講食你都已經好好啦大佬!人有幾可食既野你都食過，又神戶牛，又澳洲黎既新鮮無花果，你有賺啦!
我都知我地欠你好多，屋企成日都冇人，就好似今日我又唔早D返去，好對唔住!
多謝你堅持到我地可以見到你最後一面，你真係好叻仔!
以前抱去獸醫張檯你都係震到阿媽都唔認得，今次擺上檯你就擺尾就知道係時候講再見。
雖然真係唔捨得，不過老豆話係時候畀你走既時候你o係度笑就算啦!仲有阿!
有幾可有狗好似你咁就算人凍到死都要畀個暖爐你用吖!下次唔好再做狗啦，唔好咁好彩嫁啦!最後我真係只可以講…「再見啦，朋友。」